ပြည်သူတွေ ငြိမ်းချမ်းရေး ရန်ပုံငွေလှူဒါန်းနိုင်ဖို့ ဘဏ်အကောင့် ဖွင့်ထား

ငြိမ်းချမ်းရေးနဲ့ စပ်လျဉ်းတဲ့ လုပ်ငန်းစဉ်တွေအတွက် ပြည်တွင်းပြည်ပက အလှူရှင်တွေ လှူဒါန်းနိုင်ဖို့ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာန ငြိမ်းချမ်းရေးရန်ပုံငွေ (NRPC-Peace Fund) ဘဏ်အကောင့်ကို မြန်မာ့ စီးပွားရေးဘဏ်မှာ ဖွင့်လှစ်လိုက်ပါတယ်။

peace

မြန်မာ့စီးပွားရေးဘဏ်၊ နေပြည်တော်ဘဏ်ခွဲ၊ ငွေစုဘဏ်စာရင်း၊ SF- 004048 မှာ ဖွင့်လှစ်ခဲ့တာလို့ အမျိုးသား ပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာနက ဒီကနေ့ ဇန်နဝါရီ ၁၀ ရက်နေ့မှာ ထုတ်ပြန်ခဲ့တာပါ။

အမျိုးသား ပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန အနေနဲ့ ငြိမ်းချမ်းရေးလုပ်ငန်းစဉ်တွေအတွက် ရန်ပုံငွေ ရရှိဖို့နဲ့ ရရှိလာတဲ့ ရန်ပုံငွေတွေကို မျှမျှတတနဲ့ စနစ်တကျ ထိထိရောက်ရောက် သုံးစွဲဖို့အတွက် ငြိမ်းချမ်းရေးလုပ်ငန်းစဉ် ရန်ပုံငွေဆိုင်ရာ ပေါင်းစပ်ညှိနှိုင်းရေးအဖွဲ့ (Joint Coordinating Body for Peace Process Funding -JCB)ကို ပြီးခဲ့တဲ့ ဒီဇင်ဘာလ ၂၀ ရက်နေ့ကတည်းက ဖွဲ့စည်းခဲ့တာပါ။

အစိုးရအနေနဲ့ ငြိမ်းချမ်းရေး ရရှိဖို့ကို အလေးထားဆောင်ရွက်နေပြီး ပြည်တွင်းပြည်ပက အလှူရှင်တွေအနေနဲ့ လည်း အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနရဲ့ ငြိမ်းချမ်းရေး ရန်ပုံငွေမှာ ပါဝင်ထည့်သွင်း လှူဒါန်းပြီး ငြိမ်းချမ်းဖြစ်စဉ်မှာ ပါဝင်ကြဖို့ ထုတ်ပြန်ချက်ထဲမှာ တိုက်တွန်းထားပါတယ်။

adv_banner