မောင်တော အကြမ်းဖက်တိုက်ခိုက်ခံရမှုနဲ့ပတ်သက်ပြီး ဆောင်ရွက်နေတဲ့ကိစ္စတွေ စုံစမ်းစစ်ေ်ဆးဖို့ ကော်မရှင်ဖွဲ့စည်း

ရခိုင်ပြည်နယ်၊ မောင်တောဒေသ အကြမ်းဖက်တိုက်ခိုက်ခံရမှုနဲ့ပတ်သက်ပြီး လုပ်ဆောင်နေတဲ့ကိစ္စရပ်တွေကို စစ်ဆေးသုံးသပ် အကြံပြုဖို့ စုံစမ်းစစ်ဆေးရေး ကော်မရှင်တစ်ရပ်ကို ဒီကနေ့ ဒီဇင်ဘာ ၁ ရက်နေ့ ဖွဲ့စည်းလိုက်ပါတယ်။

rakhine

မောင်တောဒေသမှာ အောက်တိုဘာလ ၉ ရက်နဲ့ နိုဝင်ဘာ ၁၂၊ ၁၃ ရက်က မောင်တောဒေသမှာ ဖြစ်ပွားခဲ့တဲ့ အကြမ်းဖက်တိုက်ခိုက်ခံရမှု ဖြစ်ပွားရတဲ့ နောက်ခံအခြေအနေနဲ့ အဖြစ်မှန်ပေါ်ပေါက်ဖို့နဲ့ နောင်မှာ အလားတူဖြစ်ရပ်မျိုးမဖြစ်ဖို့ ဆောင်ရွက်နေတဲ့ကိစ္စရပ်တွေမှာ တည်ဆဲဥပဒေ၊ လုပ်ထုံးလုပ်နည်းတွေနဲ့ ညီညွတ်မှုရှိမရှိ စစ်ဆေးပြီး အကြံပြုနိုင်ဖို့ စုံစမ်းစစ်ဆေးရေးကော်မရှင်ကို ဖွဲ့စည်းလိုက်တာလို့ နိုင်ငံတော်သမ္မတရုံးရဲ့ ထုတ်ပြန်ချက်ထဲမှာ ဖော်ပြထားပါတယ်။

အဲဒီ စုံစမ်းစစ်ဆေးရေးကော်မရှင်မှာ ဥက္ကဋ္ဌအဖြစ် ဒုတိယသမ္မတ(၁) ဦးမြင့်ဆွေ၊ အတွင်းရေးမှူးအဖြစ် ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ်သုံးသပ်ရေးကော်မရှင် အဖွဲ့ဝင် ဦးဇော်မြင့်ဖေတို့ကို တာဝန်ပေးအပ်ပြီး အဖွဲ့ဝင်တွေထဲမှာ ဒေါက်တာအောင်ထွန်းသက်၊ ရဲချုပ် ဇော်ဝင်းနဲ့ ဘာသာပေါင်းစုံချစ်ကြည်ညီညွတ်ရေးအဖွဲ့ နာယက အငြိမ်းစားသံအမတ်ကြီး ဒေါက်တာလှမောင်စတဲ့ သူတွေလည်းပါဝင်ပါတယ်။

စုံစမ်းစစ်ဆေးရေးကော်မရှင်ဟာ မောင်တောခရိုင် အကြမ်းဖက်တိုက်ခိုက်ခံရမှုနဲ့ပတ်သက်ပြီး နောက်ခံအခြေအနေ၊ ဖြစ်ပွားတဲ့အကြောင်းရင်း၊ အကြမ်းဖက်တိုက်ခိုက်မှုကြောင့် ထိခိုက်သေဆုံး၊ ဒဏ်ရာရသူနဲ့ ပျက်စီးမှုစာရင်း၊ နယ်မြေရှင်းလင်းရေးစိုးမိုးရေးဆောင်ရွက်နေတဲ့အပေါ် ပြည်ပက စွပ်စွဲနေတာတွေ တကယ် မှန်ကန်မှု ရှိမရှိတို့ စုံစမ်းစစ်ဆေးပြီး ၂၀၁၇ ခုနှစ် ဇန်နဝါရီ ၃၁ ရက်နေ့မှာ နိုင်ငံတော်သမ္မတဆီကို စုံစမ်းစစ်ဆေးမှု အစီရင်ခံစာ တင်ပြပေးရမှာ ဖြစ်ပါတယ်။