ပြည်တွင်းပြည်ပ လေ့လာသူတွေ ကြားဖြတ်ရွေးကောက်ပွဲ စောင့်ကြည့်လေ့လာခွင့် လျှောက်ထားနိုင်

လာမယ့် ၂၀၁၇ ခုနှစ် ဧပြီလမှာ ကျင်းပမယ့် ကြားဖြတ်ရွေးကောက်ပွဲကို စောင့်ကြည့်လေ့လာမယ့် ပြည်တွင်းနဲ့ နိုင်ငံတကာ ရွေးကောက်ပွဲစောင့်ကြည့်လေ့လာရေးအဖွဲ့တွေအနေနဲ့ နိုဝင်ဘာ ၂ ရက်နေ့ကနေ ၂၀၁၇ မတ်လ ၁၅ ရက်နေ့အထိ လျှောက်ထားနိုင်တယ်လို့ ရွေးကောက်ပွဲကော်မရှင်က ထုတ်ပြန်ကြေညာခဲ့ပါတယ်။

An European Union personnel serving as an election overseer in Myanmar's upcoming general elections demonstrates how to fill up a ballot paper in Yangon, Myanmar October 30, 2015. REUTERS/Soe Zeya Tun

၂၀၁၇ ကြားဖြတ်ရွေးကောက်ပွဲဟာ လွှတ်တော်အသီးသီးမှာ လစ်လပ်နေတဲ့ မဲဆန္ဒနယ် ၁၈ ခုအတွက် ကိုယ်စားလှယ်တွေ ရွေးကောက်ဖို့ ကျင်းပမှာပါ။
ရွေးကောက်ပွဲကော်မရှင်က ကြားဖြတ်ရွေးကောက်ပွဲ ကျင်းပမယ့်ရက်ကို အောက်တိုဘာ ၁၁ ရက်နေ့မှာ ကြေညာခဲ့ပြီး ကြားဖြတ်ရွေးကောက်ပွဲ လျာထား လုပ်ငန်းစဉ် အချိန်ဇယားကိုတော့ အောက်တိုဘာ ၁၈ ရက်နေ့မှာ ကြေညာခဲ့ပါတယ်။

ပြီးခဲ့တဲ့ ၂၀၁၅ အထွေထွေရွေးကောက်ပွဲမှာ ပြည်တွင်းက စောင့်ကြည့်လေ့လာသူ တစ်သောင်းကျော်နဲ့ နိုင်ငံတကာက စောင့်ကြည့်လေ့လာသူ တစ်ထောင်ကျော် ရှိခဲ့ကြပါတယ်။

adv_banner