ဗြိတိန်လူငယ်များ စိုးရိမ်သောက ခံစားရမှု မြင့်တက်လာ

ဗြိတိန်နိုင်ငံမှာ စိုးရိမ်သောက ခံစားရမှုကြောင့် စိတ်ပိုင်းဆိုင်ရာ အကူအညီရယူရသူ လူငယ်အရေအတွက် မြင့်တက်လာနေကြောင်း ကလေးသူငယ် ပရဟိတအဖွဲ့(NSPCC )က ပြောကြားခဲ့ပါတယ်။

14915200_10209817408504268_3090616684411018769_n

၂၀၁၄-၁၅ ခုနှစ်မှာ လူငယ် ၈၆၄၂ ဦးကပဲ စိုးရိမ်သောကကြောင့် အတိုင်ပင်ခံနဲ့ တွေ့ဆုံခဲ့ကြရပြီး ၂၀၁၅-၁၆ ခုနှစ်မှာတော့ ၃၅ ရာခိုင်နူန်းမြင့်တက်လာပြီး စိတ်ပိုင်းဆိုင်ရာ ပြဿနာခံစားရတဲ့လူငယ် ၁၁,၇၀၆ ဦးအထိ ရှိလာခဲ့ပါတယ်။
အသက် ၈ နှစ်အရွယ်ကလေးငယ်တွေအထိ အတိုင်ပင်ခံဆီဆက်သွယ်အကူအညီတောင်းခံမှုတွေရှိလာခဲ့ပြီး ယောက်ျားလေးထက် မိန်ကလေးဦးရေက ပိုများကြောင်းလည်း သိရှိရပါတယ်။

စိုးရိမ်သောကဖြစ်ပေါ်မှု အကြောင်းတွေက ကိုယ်ရေးကိုယ်တာ၊မိသားစုပြဿနာတွေအပြင် အမေရိကန်ရွေးကောက်ပွဲနဲ့ ဆီးရီးယားစစ်ပွဲစသဖြင့် အကြောင်းအရာမျိုးစုံပဲဖြစ်နေခဲ့ပါတယ်။ ကလေးငယ်တွေရဲ့စိတ်ပိုင်းဆိုင်ရာကျန်းမာရေးက အရေးပေါ်အခြေအနေမှာရှိနေကြောင်း NSPCCအဖွဲ့က ပြောဆိုခဲ့ပါတယ်။ ဖြစ်ပွားနေတဲ့ပြဿနာတွေက ပိုပြီးဆိုးရွားလာမယ့်ပုံရှိနေတယ်လို့လည်း NSPCCအဖွဲ့က ဆက်လက်ပြောဆိုခဲ့ပါတယ်။

“ ကလေးတွေနဲ့ လူငယ်တွေဟာ တစ်ခါတရံမှာ စိုးရိမ်ပူပန်တတ်တာ သဘာဝပါ၊ ဒါပေမဲ့ ထိတ်လန့်စရာတိုက်ခိုက်မှုတွေကြောင့် ကြောင့်ရွံ့စိတ်က အစဉ်တစိုက်စိုးမိုးလာပြီဆိုရင် သူတို့တွေ အိမ်ထဲကအိမ်ပြင်မထွက်ချင်တော့ဘူးဆိုရင် သူတို့ကို စိတ်ပိုင်းဆိုင်ရာအကူအညီတွေ ပေးဖို့ လိုအပ်နေပါပြီ” လို့ NSPCC အဖွဲ့ရဲ့အကြီးအကဲ ပီတာဝမ်းလက်စ်က ပြောကြားခဲ့ပါတယ်။

adv_banner
adv_banner
?bph6
?bph6
adv_banner adv_banner