ဖိလစ်ပိုင် သမ္မတ ဒူတာတေက ရာဇဝတ်တိုက်ဖျက်ရေးအတွက် ဘဏ္ဍာငွေတိုးမြှင့်

0
198

ဖိလစ်ပိုင်သမ္မတ ဒူတာတေဟာ သူ့ရဲ့ အငြင်းပွားဖွယ် ရာဇဝတိုက်ဖျက်ရေးလုပ်ငန်းအတွက် လာမယ့်နှစ်မှာသုံးစွဲမယ့် ဘဏ္ဍာငွေကို တိုးမြှင့်ကြောင်း ကြေညာလိုက်ပါတယ်။ လုံခြုံရေးအင်အားစုတွေကိုလည်း အသုံးစရိတ်တွေ တိုးပေးမယ်လို့ ဒူတာတေက ကတိပြုခဲ့ပါ သေးတယ်။

philippine-president

ဒူတာတေဟာ ပြီးခဲ့တဲ့ မေလမှာ ရွေးကောက်ပွဲမှာ သောင်ပြိုကမ်းပြိုအနိုင်ရပြီးကတည်းက မူးယစ်တိုက်ဖျက်ရေးအစီအစဉ်ကို တက်သုတ်ရိုက် စတင်ခဲ့ပြီး ဒီအစီအစဉ်အတွင်း ရဲနဲ့လုံခြုံရေးတွေက လူပေါင်း ၁၀၀၀ ကျော်ကို သုတ်သင်သတ်ဖြတ်ခဲ့တယ်လို့ မီဒီယာတွေမှာ တွေ့ရှိရပါတယ်။

သြဂုတ် ၁၅ ရက်နေ့ညပိုင်းမှာ ဒူတာတေက ၂၀၁၇ ခုနှစ်အတွက် ဘဏ္ဍာငွေအဖြစ် ပီဆို ၃.၃၅ ထရီလျံ (အမေရိကန်ဒေါ်လာ ၇၂.၃ ဘီလျံ) သတ်မှတ်ထားတဲ့အတွက် အခုနှစ် ဘဏ္ဍာငွေထက် ၁၁.၆ ရာခိုင်နှုန်း တိုးမြင့်သွားပြီလို့ ဆိုပါတယ်။ အစိုးရရဲ့ အသုံးစရိတ်တိုးမြှင့်လိုက်တာဟာ “ပိုမိုထိရောက်တဲ့ ရာဇဝတ်မှုနှိမ်နှင်းရေးလုပ်ငန်း”တစ်ရပ် ဖြစ်လာလိမ့်မယ်လို့လည်း ဖိလစ်ပိုင် သမ္မတက ဆိုပါတယ်။

ရဲတပ်ဖွဲ့အတွက် ဘဏ္ဍာငွေကိုလည်း ၂၄.၆ ရာခိုင်နှုန်း တိုးမြှင့်လိုက်တဲ့အတွက် ပီဆို ၁၁၀.၄ ဘီလျံထိ ရှိလာပြီဖြစ်ပါတယ်။ ဒီငွေတွေနဲ့ ရဲအရာရှိ အရေအတွက် ပိုများများစားစားခန့်ပြီး သူတို့ရဲ့ လစာတွေတိုးပေးပြီး သေနတ်များများစားစား ဖြည့်တင်းပေးသွားမယ်လို့ အစိုးရရဲ့ ထုတ်ပြန်ချက်ထဲမှာ ဖော်ပြထားပါတယ်။ ဒီလိုပဲ တရားစီရင်ရေးဌာနအသုံးစရိတ်ကိုလည်း ၂၁.၅ ရာခိုင်နှုန်းတိုးမြှင့်ပေးမှာဖြစ်တဲ့အတွက် အမှုတွေ ပိုပြီးအဆင်ပြေပြေ စီရင်ကိုင်တွယ်နိုင်မှာဖြစ်တယ်လို့လည်း အစိုးရက ဆိုပါတယ်။

ဒူတာတေဟာ ဒီကဏ္ဍတွေ အတွက်သာမကဘဲ စစ်အသုံးစရိတ်ကိုလည်း ၂၁.၅ ရာခိုင်နှုန်း တိုးမြှင့်ပေးမှာဖြစ်တဲ့အတွက် လာမယ့်နှစ်မှာ ပီဆို ၁၃၀.၆ ဘီလျံထိ ရှိလာမှာ ဖြစ်ပါတယ်။ လမ်း၊ တံတား၊ ဆိပ်ကမ်းနဲ့ လေဆိပ် ပျက်စီးမှုတွေကို ပြုပြင်ဖို့ အသုံးစရိတ်ကိုလည်း ၂၀၁၆ က ထက် ၁၃.၈ ရာခိုင်နှုန်းတိုးမြှင့်လိုက်တဲ့အတွက် ပီဆို ၈၆၀.၇ ဘီလျံခန့် ရှိလာခဲ့ပြီ ဖြစ်ပါတယ်။

Ref: AFP