အိမ်ဖြူတော်အနီး လက်နက်ကိုင်လူတစ်ဦးကို လုံခြုံရေးများပစ်ခတ်ဖမ်းဆီး

0
229

အိမ်ဖြူတော်အပြင်ဘက်မှာ လက်နက်ကိုင်ဆောင်ထားတဲ့ လူတစ်ယောက်ကို အိမ်ဖြူတော်လုံခြုံရေးအဖွဲ့က ပစ်ခတ်ခဲ့ရတယ်လို့ အမေရိကန်အရာရှိတွေက ပြောကြားချက်အရသိရပါတယ်။

_89758502_wh1

အိမ်ဖြူတော်လုံခြုံရေးဂိတ်အနီးမှာ လက်နက်နဲ့ရမ်းကားနေတဲ့လူတစ်ယောက်ရဲ့ ၀မ်းဗိုက်ကို ပစ်ခတ်ခဲ့တာလို့ ရဲတွေပြောပါတယ်။

သောကြာနေ့က ဖြစ်ပွားခဲ့တဲ့ အဲဒီဖြစ်ရပ်အပြီးမှာ အိမ်ဖြူတော်ကို ခေတ္တပိတ်ထားခဲ့ပါတယ်။ အဲဒီလိုပစ်ခတ်မှုဖြစ်တဲ့အချိန်မှာ သမ္မတ ဘားရက်အိုဘားမားကတော့ မာရီလန်းမှာ ဂေါက်ရိုက်နေခဲ့ပါတယ်။

ဒဏ်ရာအပြင်းအထန်ရခဲ့တဲ့ အဲဒီလူကို ဆေးရုံကိုပို့ဆောင်ပေးခဲ့တယ်လို့ အရာရှိတွေက ပြောပါတယ်။

အဲဒီလိုဖြစ်ပွားချိန် အိမ်ဖြူတော်ထဲမှာ အမေရိကန်ဒုတိယသမ္မတ ဂျိုးဘိုင်ဒင်ရှိနေခဲ့ပြီး အိမ်ဖြူတော်ထဲက လုံခြုံရေးဧရိယာထဲမှာ နေထိုင်ခဲ့ရတယ်လို့ အိမ်ဖြူတော်အရာရှိတွေက ပြောပါတယ်။

လျှို့ဝှက်စစ်ဆင်ရေးယူနီဖောင်းတွေ ၀တ်ဆင်ထားတဲ့ လုံခြုံရေးအရာရှိတွေက အဲဒီလူကို လက်နက်ချပြီး လှုပ်ရှားမှုတွေရပ်တန့်ဖို့ အကြိမ်ကြိမ်သတိပေးခဲ့တယ်လို့ လုံခြုံရေးအေဂျင်စီရဲ့ ပူးတွဲကြေညာချက် မှာဖော်ပြထားပါတယ်။

ဒီလိုအကြိမ်ကြိမ်သတိပေးတားမြစ်တာကိုလက်မခံတဲ့အချိန်မှာ လုံခြုံရေးအဖွဲ့က သူ့ကို သေနတ်နဲ့တစ်ကြိမ်ပစ်ခဲ့ပြီး ဖမ်းဆီးချုပ်နှောင်ခဲ့ပါတယ်။

အခုချိန်မှာတော့ ကနဦးစုံစမ်းစစ်ဆေးမှုတွေပြုလုပ်နေပြီး အကြမ်းဖက်မှုနဲ့ ဆက်စပ်မှုရှိမရှိ မသိရသေးပါဘူး။