ဖူတန် တက္ကသိုလ်အကြောင်း ရုပ်/သံမှတ်တမ်း(Documentary of Fudan University)

0
198


Documentary Of Fudan University by mcntvnews

ဒီသတင်းပတ်မှာတော့ ကမ္ဘာ့ထိပ်တန်းတက္ကသိုလ်တစ်ခုအဖြစ်တဲ့အပြင် တရုတ်နိုင်ငံတွင် နံပါတ် ၁နေရာက ရပ်တည်နေတဲ့ တရုတ်ပြည်သူ့သမ္မတနိုင်ငံ ရှန်ဟိုင်းဒေသက ဖူတန် တက္ကသိုလ် (Fudan University) အကြောင်းကို တင်ဆက်ပေးသွားမှာ ဖြစ်ပါတယ်။

ဒီတက္ကသိုလ်ကို ၁၉၀၅ ခုနှစ် ကင်မင်းဆက်ခေတ် အချိန်ကတည်းက စတင်တည်ထောင်ခဲ့တာ ဖြစ်ပြီး တရုတ်နိုင်ငံမှာတော့ သက်တမ်းအရှည်ဆုံး တက္ကသိုလ်တွေထဲက တက္ကသိုလ်တစ်ခုအဖြစ် ပြောဆိုနိုင်မှာပါ။

ဖူတန် တက္ကသိုလ်ရဲ့ သမိုင်းကြောင်းကို အကျဉ်းချုပ်တင်ပြရမယ်ဆိုပါရင် ၁၉၀၅ခုနှစ်က ဖူတန် ပုဂ္ဂလိက ကျောင်း Fudan Public School အဖြစ် စတင်ဖွင့်လှစ်ခဲ့ခြင်းပါ။ ၁၉၁၁ခုနှစ်မှာ ဇန်ဟိုင် တော်လှန်ရေး (Xinhai Revolution) ဖြစ်ပွား ခဲ့တာကြောင့် တစ်နှစ်ခန့် ကျောင်းပိတ်ခဲ့ရပြီး ၁၉၁၇ခုနှစ်ရောက်တဲ့အခါမှာတော့ ဖူတန် ပုဂ္ဂလိက ကျောင်း အဖြစ်မှ ပုဂ္ဂလိက တက္ကသိုလ်အဖြစ်ပြောင်းလဲ ဖွင့်လှစ်ခဲ့ခြင်းပါ။ ၁၉၂၉ခုနှစ် ရောက်တဲ့အခါမှာတော့ ဖူတန် တက္ကသိုလ် အဖြစ် ရပ်တည်ခဲ့ပြီး ဘာသာရပ်ဆိုင်ရာ ဌာန ၁၇ အထိတိုးချဲ့နိုင်ခဲ့ပါတယ်။ တိုးချဲ့ခဲ့တဲ့ ဌာနတွေကတော့ သတင်းစာဌာန (Journalism Department)၊ မြူနီစပယ် ဌာန(Municipals Department) ၊ ဥပဒေပညာ ဌာန (Law Department) ၊ ပညာရေး ဌာန (Education Department)တို့ဖြစ်ပြီး ၀ိဇ္ဇာ၊ သိပ္ပံနှင့် စီပွားရေးပညာ ဌာနများကတော့ တက္ကသိုလ်အဖြစ် စတင်စဉ် အချိန်ကတည်း ဖွင့်လှစ်ခဲ့တဲ့ ဌာနများဖြစ်ပါတယ်။

၁၉၃၇ခုနှစ်မှာ ဂျပန်မှ တရုတ်နိုင်ငံသို့ ကျူးကျော်တိုက်ခိုက်တဲ့အချိန်မှာ ဖူတန် တက္ကသိုလ်ဟာ ရှန်ဟိုင်းဒေသမှ ကူမင်တန်အစိုးရ လက်အောက်ခံနယ်မြေဖြစ်တဲ့ ချောင်ချူးဒေသသို့ ပြောင်းရွှေ့ဖွင့်လှစ်ခဲ့ခြင်းပါ။ ၁၉၄၁ခုနှစ်မှာ တရုတ်ပြည်သူ့သမ္မတနိုင်ငံ အဖြစ် ရပ်တည်ခဲ့ပြီးနောက် ချောင်ချူးဒေသမှ ယခင်ဖွင့်လှစ်ခဲ့တဲ့ နေရာသို့ ပြန်လည် ပြောင်းရွှေ့ခဲ့ကာ ဖူတန် ပုဂ္ဂလိက တက္ကသိုလ်အဖြစ် အစိုးရမှ အတရားဝင်ရပ်တည်နိုင်ခွင့်ပေးအပ်ခဲ့ကာ ကျောင်းအုပ်ကြီး အဖြစ် ၀ူ နမ်ဇန် ကိုခန့်အပ်ခဲ့ပါတယ်။ နောက်ပိုင်းမှာတော့ National Fudan University အဖြစ် နာမည်ပြောင်းလဲ ခဲ့သောလည်း လက်ရှိမှာတော့ ဖူတန် တက္ကသိုလ် လို့ပဲ သတ်မှတ်ခေါ်ဝေါ်နေကြခြင်းပါ။

၁၉၇၀နောက်ပိုင်းမှာ တရုတ်နိုင်ငံတွင် ယဉ်ကျေးမှုတော်လှန်ရေးဖြစ်ပွားပြီးနောက် ဖူတန်တက္ကသိုလ်ဟာလည်း နိုင်ငံတကာ တက္ကသိုလ်များကဲ့သို့ သင်ရိုးညွှန်းတမ်းများသာမက သင်ကြားနည်းစနစ်များကိုလည်း ပြောင်းလဲခဲ့ပါတယ်။ ၂၀၀၀ခုနှစ် မှာတော့ ဖူတန်တက္ကသိုလ်ဟာ လက်ခံအောက်ဆေးတက္ကသိုလ်အဖြစ် ရှန်ဟိုင်းဆေးတက္ကသိုလ်ကို ဖွင့်လှစ်ခဲ့ခြင်းပါ။
ဖူတန် တက္ကသိုလ်မှာ ကျောင်း ၁၇ကျောင်း၊ ဘာသာရပ်ဌာန ၆၉ ဌာနဖွင့်လှစ်ထားနိုင်ခဲ့ကာ ဘွဲ့ကြို ပရိုဂရမ် ၇၃ ခု၊ မဟာဘွဲ့ ပရိုဂရမ် ၂၀၁ ခု၊ လူမှုသိပ္ပံ သုတေသန ပရိုဂရမ်၇ ခု၊ သိပ္ပံသုတေသန စင်တာများကို ဖွင့်လှစ်ထားပါတယ်။

ဖူတန် တက္ကသိုလ်မှာ အချိန်ပြည့်တက်ရောက်နေသည့် ကျောင်းသားပေါင်း ၄သောင်း ၅ထောင်ခန့် ရှိပြီး အွန်လိုင်းပညာရေး ဖြင့် နိုင်ငံတကာမှ အဝေးသင်သင်တန်းတွင် တက်ရောက်နေသည့် ကျောင်းသားပေါင်း ၁၇၆၀ခန့် ရှိပါတယ်။

ဖူတန် တက္ကသိုလ်တွင် အချိန်ပြည့်တာဝန်ထမ်းဆောင်နေသည့် ဆရာနှင့် သုတေသနပညာရှင်ပေါင်း ၂၆၀၀ ခန့် ရှိပါတယ်။ ပါမောက္ခနှင့် တွဲဖက်ပါမောက္ခပေါင်း ၁၃၅၀ခန့်ရှိပြီး ပါရဂူဘွဲ့သင်တန်းများအတွက် သုတေသန ကျမ်းကြီးကြပ်သူ ပြင်ပပညာရှင် ၃၀ခန့် အထိ ရှိပါတယ်။
ဖူတန် တက္ကသိုလ်ဟာ နိုင်ငံတကာမှ ကျောင်းသားများကိုလည်း လက်ခံသင်ကြားပေးနေကာ တရုတ်နိုင်ငံရှိ မည်သည့် တက္ကသိုလ်မှမဆို ဘွဲ့ရရှိထားသူဖြစ်စေ မရရှိသူဖြစ်စေ နိုင်ငံတကာမှ ကျောင်းသားများအနေနဲ့ လျှောက်ထားနိုင်ပါတယ်။ အစိုးရချင်းချိတ်ဆက်ထားတဲ့ နိုင်ငံတကာကျောင်းသားများအတွက် အထူးပရိုဂရမ်များလည်း ဖွင့်လှစ်ထားပါတယ်။

ဖူတန် တက္ကသိုလ်ရဲ့ စာကြည့်တိုက်ကို ၁၉၂၂ခုနှစ်ကတည်းက စတင်တည်ထောင်ခဲ့ကာ စာကြည့်တိုက်အတွက် နေရာအကျယ်အ၀န်းကတော့ ၂သောင်း ၉ထောင် စကွဲယား မီတာခန့်ကျယ်ဝန်းကာ ၀ိဇ္ဇာစာကြည့်တိုက်၊ သိပ္ပံစာကြည့်တိုက်၊ ဆေးပညာစာကြည့်တိုက် တို့ကို ခွဲခြားဖွင့်လှစ်ထားပြီး စာအုပ်၊ ဂျာနယ်၊ သတင်းစာ မိတ္တူပေါင်း ၄.၄၅၈၈ သန်းအထိ ရှိပါတယ်။ တရုတ်ရှေးဟောင်းစာအုပ်ပေါင်း ၄သိန်းအထိရှိပြီး တရုတ်ပြည်သူ့သမ္မတနိုင်အဖြစ် ကူးပြောင်းပြီးနောက် ထုတ်ဝေခဲ့တဲ့ စာအုပ်ပေါင်း ၁.၃၉၂ သန်းအထိ စုဆောင်းထားပါတယ်။
ဖူတန် တက္ကသိုလ်တွင် ကျောင်းသားအဖွဲ့အစည်း ၄ခုရှိကာ အဆိုပါ အဖွဲ့အစည်းတွေကတော့ Academic Societies, Practical Societies, Artistic Societies နဲ့ Physical Culture Societies တို့ဖြစ်ပြီး ဖူတန် ကျောင်းသားများရဲ့ လိုအပ်ချက်များကို အဆိုပါအဖွဲ့အစည်းများက ဆောင်ရွက်ပေးနေခြင်းပါ။
ဖူတန် တက္ကသိုလ်ရဲ့ ကျောင်းအဓိပတိတာဝန်ကို ကျောင်းစတင်ဖွင့်လှစ်တဲ့အချိန် ၁၉၀၅ခုနှစ်ကတည်းက အသီးသီး တာဝန်ယူခဲ့ကြပြီး နှစ်အကန့်အသတ်မရှိ တာဝန်ထမ်းခဲ့ပေမဲ့ ၁၉၇၈ခုနှစ်မှစတင်ကာ ကျောင်းအဓိပတိတာဝန်ကို ၅နှစ်သာ တာဝန်ထမ်းဆောင်ရမယ်လို့ ကန့်သတ်ခဲ့ပြီးနောက် ၁၉၈၃ခုနှစ်ရောက်တဲ့အခါမှ စတင်ကာ ကျောင်းအဓိပတိတာဝန်ကို ၆နှစ်အထိ တာဝန်ထမ်းဆောင်နိုင်ကြောင်း ပြောင်းလဲသတ်မှတ်ခဲ့ခြင်းပါ။

ဖူတန် တက္ကသိုလ်မှ နိုင်ငံတကာမှ ကျောင်သားများ လက်ခံသင်ကြားခြင်း အစီအစဉ်ကို ၁၉၅၀ခုနှစ်ခန့်ကတည်းက စတင်ခဲ့လို့ ဆိုနိုင်ပြီး တရုတ်နိုင်ငံမှ တက္ကသိုလ်များအနက် ပထမဦးဆုံး နိုင်ငံတကာမှ ကျောင်းသားများကို စတင်လက်ခံခဲ့တဲ့ တက္ကသိုလ်တစ်ခုပါ။ လက်ရှိမှာတော့ နိုင်ငံပေါင်း ၁၀၀ကျော်မှ ကျောင်းသားပေါင်း ၁သောင်းခန့်ကို နှစ်စဉ်လက်ခံသင်ကြားပေးနေပါတယ်။ ၂၀၀၆ခုနှစ်မှစတင်ကာ နိုင်ငံတကာမှ ကျောင်းသားပေါင်း ၂၈၀၀ကျော်ခန့်ကို တိုးချဲ့လက်ခံခဲ့နေပြီး ကာလတို သုတေသနကျောင်းသားများကိုလည်း နှစ်စဉ်လက်ခံနေပါတယ်။

နိုင်ငံတကာမှ ကျောင်းသားမျာကို လက်ခံတဲ့နေရာမှာ ဘွဲ့ပေးအပ်တဲ့ အစီအစဉ်လည်းပါဝင်သလို ဘွဲ့ဒီဂရီမပေးအပ်ဘဲ အသိမှတ်ပြုလက်မှတ်သာ ပေးအပ်တဲ့အစီအစဉ်များလည်းရှိပါတယ်။ နိုင်ငံတကာမှ ကျောင်းသားများအတွက် အထူးဖွင့်လှစ်ထားတဲ့ ပရိုဂရမ်များကတော့ တရုတ်စာပေနဲ့ ဘာသာစကား၊ တရုတ်နိုင်ငံ သမိုင်း၊ တရုတ်နိုင်ငံ စီးပွားရေး၊ တရုတ်အတွေးအခေါ်၊ တရုတ်ဥပဒေပညာစတဲ့ ဘာသာရပ်များဖြစ်ကာ တရုတ်ဘာသာစကားဖြင့်သင်ကြားသလို အင်္ဂလိပ်ဘာသာစကားဖြင့်လည်း သင်ကြားပေးမှုတွေရှိပါတယ်။ နောက်ပိုင်းကာလများမှာတော့ တရုတ်တိုင်းရင်းဆေး ပညာရပ်ကိုလည်း ဖူတန် ဆေးတက္ကသိုလ်မှ ဖွင့်လှစ်သင်ကြားပေးနေခြင်းပါ။

ဖူတန် တက္ကသိုလ်ဟာ ကမ္ဘာ့အဆင့် သတ်မှတ်ချက်အရ ၂၀၁၅- ၁၆ခုနှစ်မှာ အဆင့် ၂၀၁နေရာမှာရှိကာ အာရှဒေသ အဆင့်သတ်မှတ်ချက်မှာတော့ အဆင့် ၁၆နေရာမှာ ရှိပြီး တရုတ်နိုင်ငံတွင်းမှာတော့ အဆင့်၁နေရာမှာ ရှိတဲ့ တက္ကသိုလ်ပါ။
ဖူတန် တက္ကသိုလ် ရဲ့ ကျောင်းပရ၀ုဏ်ဟာ ရှန်ဟိုင်းမြို့ဧရိယာမှာ တည်ရှိပြီး ၆၀၄ ဧက ကျယ်ဝန်းပြီး အဓိကကျောင်း ပရ၀ုဏ်လေးခုရှိကာ အဲ့ဒီ ကျောင်းပရ၀ုဏ်လေးခုကတော့ ဟန်ဒန် (Handan)၊ ဖန်းလင် (Fenglin)၊ ဇန်ဂျင်း (Zhangjiang)၊ ဂျင်ဝမ် (Jiangwan) တို့ဖြစ်ပါတယ်။

ဟန်ဒန် ကျောင်းပရ၀ုဏ်ကတော့ ဖူတန် ပုဂ္ဂလိက ကျောင်းအဖြစ် စတင်တည်ထောင်စဉ်ကတည်းက တည်ရှိခဲ့တဲ့ နေရာ ပဲဖြစ်ပြီး တက္ကသိုလ်ပထမနှစ်ကို စတင်တက်ရောက်တဲ့ ကျောင်းသားများအတွက် ကျောင်းဆောင်များရှိပြီး ကျောင်းအဓိပတိ ရုံးခန်း အပါအ၀င် ကျောင်းအုပ်ချုပ်ရေး ရုံးခန်းများတည်ရှိပါတယ်။
ဖန်းလင်ကျောင်းပရ၀ုဏ်ကတော့ ရှန်ဟိုင်းဆေးကောလိပ် တည်ရှိတဲ့ ပရ၀ုဏ်ဖြစ်ကာ ဖူတန် တက္ကသိုလ်ဆေးရုံ၊ ဆေးသုတေသန စင်တာ တို့လည်း တွဲဖက်လျှက်တည်ရှိနေပါတယ်။
ဇန်ဂျင်း ကျောင်းပရ၀ုဏ်ကတော့ သိပ္ပံနည်းပညာကောလိပ်များတည်ရှိတဲ့ ကျောင်းပရ၀ုဏ်ဖြစ်ပါတယ်။ အဆိုပါ ကျောင်းပရ၀ုဏ်တွင် School of Microelectronics၊ School of Computer science and technology၊ School of Software နှင့် School of Pharmacy ကျောင်းများတည်ရှိနေပါတယ်။

ဂျင်ဝမ် ကျောင်းပရ၀ုဏ် ကတော့ ခေတ်နဲ့အညီ အသစ်ဆောက်လုပ်ထားတဲ့ ကျောင်းပရ၀ုဏ်ဖြစ်ကာ ဖူတန် ဥပဒေကျောင်း၊ သိပ္ပံသုတေသနစင်တာ၊ နိုင်ငံခြားဘာသာစကားနှင့်စာပေ ကောလိပ်၊ လူမှုဖွံဖြိုးတိုးတက်ရေးနှင့် ပြည်သူ့ရေးရာ မူဝါဒ ကောလိပ်တို့ တည်ရှိပါတယ်။
ဖူတန်တက္ကသိုလ်ဟာ နိုင်ငံတကာမှ တက္ကသိုလ်များနဲ့ချိတ်ဆက်ပြီး အဆင့်မြင့်ပညာရပ်များကို အပြန်အလှန်သင်ကြားရေး နှင့် သုတေသန အစီအစဉ်များကို ပြုလုပ်နေပါတယ်။ အမေရိကန်ပြည်ထောင်စု မှ ယေးလ်တက္ကသိုလ်နှင့် ချိတ်ဆက်ထားသလို ၁၉၉၅ခုနှစ်မှ စတင်ပြီး ဒိန်းမတ်၊ ဖင်လန်၊ နော်ဝေ၊ ဆွီဒင်နိုင်ငံတို့မှ တက္ကသိုလ် ၁၄ခုနှင့် ချိတ်ဆက်ပြီး သင်ကြားရေးအစီအစဉ်များနှင့် သုတေသနအစီအစဉ်များကို ပြုလုပ်နေပါတယ်။ ၂၀၀၀ခုနှစ်မှာတော့ ဂျာမနီနိုင်ငံရှိ တက္ကသိုလ်၅ခုနှင့် ချိတ်ဆက်ထားပါတယ်။
ဖူတန်တက္ကသိုလ်မှနေပြီး ကျောင်းသားမျာစွာကို မွေးထုတ်ပေးလျှက်ရှိနေပြီး အဆိုပါ ကျောင်းသားများထဲမှာ နိုင်ငံရေး၊ စီးပွားရေး၊ ပညာရေး၊ အနုပညာ အပါအ၀င်နယ်ပယ်အသီးသီးမှာ အောင်မြင်ကျော်ကြားတဲ့ ပုဂ္ဂိုလ်တွေအများအပြားကို မွေးထုတ်ပေးနိုင်ခဲ့ပါတယ်။

ဒီလို သမိုင်းအစဉ်အလာနဲ့ ဂုဏ်သိက္ခာကြီးမားတဲ့ ကမ္ဘာ့ထိပ်တန်း တက္ကသိုလ်ကြီး တစ်ခုဖြစ်တဲ့ ဖူတန် တက္ကသိုလ် အကြောင်းကို မြန်မာ့ရုပ်မြင်သံကြားရဲ့ ပရိသတ်တွေအတွက် မိတ်ဆက် အနေနဲ့ တင်ဆက်ပေးလိုက်ပါတယ်။

?bph6